Descripción
Jhuti hi Tasalli ho Kuchh dil to Behel Jaaye - جھوٹی ہی تسلی ہو کچھ دل تو بہل جائے
Poet: Fana Nizami Kanpuri
Recital: Arif Ali Khan
جھوٹی ہی تسلی ہو کچھ دل تو بہل جائے
دھندھلی ہی سہی لیکن اک شمع تو جل جائے
اس موج کی ٹکر سے ساحل بھی لرزتا ہے
کچھ روز تو طوفاں کی آغوش میں پل جائے
مجبوریٔ ساقی بھی اے تشنہ لبو سمجھو
واعظ کا یہ منشا ہے مے خواروں میں چل جائے
اے جلوۂ جانانہ پھر ایسی جھلک دکھلا
حسرت بھی رہے باقی ارماں بھی نکل جائے
اس واسطے چھیڑا ہے پروانوں کا افسانہ
شاید ترے کانوں تک پیغام عمل جائے
مے خانۂ ہستی میں میکش وہی میکش ہے
سنبھلے تو بہک جائے بہکے تو سنبھل جائے
ہم نے تو فناؔ اتنا مفہوم غزل سمجھا
خود زندگیٔ شاعر اشعار میں ڈھل جائے
~ Fana Nizami Kanpuri
Jhooti hi Tasalli ho Kuchh Dil to Behal Jaye
dhundli hi sahih laikin ik shamma to jal jaye
is mauj ki takkar se saahil bhi larazta hai
kuchh roz to toofan ki aaghosh mein pal jaye
majburi-e-saqi bhi ae tishnalabo samjho
vaaiz ka ye mansha hai mai-ḳhwaron mein chal jaye
ae jalva-e-janana phir aisi jhalak dikhla
hasrat bhii rahe baaqi arman bhi nikal jaye
is vaaste chherda hai parvanon ka afsana
shaayad tire kanon tak paigham-e-amal jaye
mai-ḳhana-e-hasti mein mai-kash vahi mai-kash hai
sambhle to bahak jaye bahke to sambhal jaye
ham ne to 'fana' itna mafhoom-e-ghazal samjha
ḳhud zindagi-e-shayer ashaar mein dhal jaye
~ Fana Nizami Kanpuri