Description
بیتے ہوئے دن
کیا حال کہیں اس موسم کا
جب جنس جوانی سستی تھی
جس پھول کو چومو کھلتا تھا
جس شے کو دیکھو ہنستی تھی
جینا سچا جینا تھا
ہستی عین ہستی تھی
افسانہ جادو افسوں تھا
غفلت نیندیں مستی تھی
ان بیتے دنوں کی بات ہے یہ
جب دل کی بستی بستی تھی
غفلت نیندیں ہستی تھی
آنکھیں کیا پیمانے تھے
ہر روز جوانی بکتی تھی
ہر شام و سحر بیعانے تھے
ہر خار میں اک بت خانہ تھا
ہر پھول میں سو مے خانے تھے
کالی کالی زلفیں تھیں
گورے گورے شانے تھے
ان بیتے دنوں کی بات ہے یہ
جب دل کی بستی بستی تھی
گورے گورے شانے تھے
ہلکی پھلکی بانہیں تھیں
ہر گام پہ خلوت خانے تھے
ہر موڑ پہ عشرت گاہیں تھیں
طغیان خوشی کے آنسو تھے
تکمیل طرب کی آہیں تھیں
عشوے چہلیں غمزے تھے
پلتیں خوشیاں چاہیں تھیں
ان بیتے دنوں کی بات ہے یہ
جب دل کی بستی بستی تھی
Biite Hue Din
Kya haal kahein us mausam ka
jab jins-e-javani sasti thi
jis phuul ko choomo khilta tha
jis shai ko dekho hansti thi
jiina sachcha jiina tha
hasti ain hasti thi
afsana jaadu afsoon tha
ghaflat neenden masti thi
un biite dinon ki baat hai ye
jab dil ki basti basti thi
ghaflat neenden hasti thi
ankhen kya paimaane the
har roz javani bikti thi
har shaam-o-sahar baiane the
har ḳhaar mein ik but-ḳhana tha
har phuul meñ sau mai-ḳhaane the
kaali kaali zulfen thiin
gore gore shaane the
un biite dinon ki baat hai ye
jab dil ki basti basti thi
gore gore shaane the
halki-phulki baanhen thiin
har-gaam pe ḳhalvat-ḳhaane the
har moḌ pe ishrat-gaahen thiin
tughiyan ḳhushi ke aansoo the
takmeel-e-tarab ki aahen thiin
ishve chuhlen ghamze the
paltin ḳhushiyan chaheen thiin
un biite dinon ki baat hai ye
jab dil ki basti basti thi
~ Josh Malihabadi
#nazm #recital