Description
Maa ❤️ this is for you 🥹
Lyrics -
Zakhmo pe marham tu lagati meri maa
Hardum hameshaa tu hasati meri maa
Tere hone se mere chehre pe hai ronak Chehra dikha ke gum bhulati meri maa
Kese ruthi hai mujse kese tu khafa reh leti
Tere aanchal ki khusboo meri in hawa m behti
Meri nadaani ko tu aksar has ke taal deti
Aise naraz mujhse ho na meri maa
Mujhse door door door q ruthi hai
Tera beta hun main maa ye bhool
Mujhse door door door q ruthi hai
Teri har saza mujhe hai kabool
Ye duniya jo mujhe bekar maanti hai
Mujhe rokti hai badhne se hath bandhti hai
Main to has ke chupa leta duniya se sach Meri maa mera sach mera haal janti hai
Main muskura dun Nuske hazaar janti hai
Na wo puchti sawaal na jawab mangti hai
Use chahiye na bangla na sone ka haar Meri maa bas thoda sa pyar mangti hai Ha wo bolti nahi par khyal maangti hai
Mujhse thoda sa waqt Udhaar maangti hai
Main sochta hun khud ko akal mein bada
Par maa meri duniya ki chaal janti hai
Meri halki si khaansi ko bukhar maanti hai
Mujhe lag jaye chot to sudhaar mangti hai
Kabhi lagne lage jo main thakne laga
Mujhe haarne na deti na wo haar manti hai
Meri maa jaise pari kisi asmaan ki
Wo roshni ke jaise meri subah shaam ki
Mere sath mere ghar mein jo maa na rahe
To ye duniya ki khushi mere kis kaam ki
Wo dor si bandhi meri dhadkan ki
Wo pehli pari mere bachpan ki
Maine rab to na dekha par itna yakin
Hogi usme mein bhi chav maa ke darpan si
Kabhi sochun ke tujhko Diya kiya hai maine
Bas jhoothi ummidein or dukh ke siwa
Ye na pucho ke kitna kamaya hai maine
Na kuch mera bas meri maa ke siwa
Ae khuda meri maa ko salamat rakhe
Mujhme thodi purani shararat rakhe
Hai Umar ka jo masla wo maa mein dikhe Ab wo bhaage jo peeche thakawat dikhe