Description
Chai ke saath kuch crispy aur chatpata khane ka mann ho, toh ye kaddu ki mathri zaroor try karna!
Gehu ke aate aur kaddu se bani ye mathri bahut hi tasty banti hai aur ise aap air fryer ya deep fry, dono tarah se bana sakte ho.
Ingredients:
Gehu ka aata – 400 g
Kaddu ka paste – zarurat ke according
Tel (moyan ke liye) – ½ katori
Baking powder – 1½ tsp
Namak – 1½ tsp (ya taste ke according)
Red chilli flakes – 1 tsp
Mixed herbs – 1 tsp
Til – upar se lagane ke liye
Recipe:
Sabse pehle kaddu ko steam karke soft kar lein aur bina paani dale uska paste bana lein.
Ek parat mein gehu ka aata lein, tel dalkar achhe se mix karein. Ab baking powder, namak, mixed herbs aur red chilli flakes daal dein.
Ab kaddu ke paste se bina paani dale ek sakht dough laga lein. 10 minutes ke liye rest dein.
Dough ko patla belkar upar se til lagayein aur mathri ke shape mein cut kar lein.
Air fryer mein 160°C par lagbhag 25 minutes ke liye air fry karein. 10 minutes baad palat dein, taaki dono taraf se achhe se cook ho jaye.
Agar air fryer nahi hai, toh aap inhe normal mathri ki tarah deep fry bhi kar sakte ho.
Mathri ko poori tarah thanda hone ke baad airtight container mein store karein.
Recipe pasand aaye toh save kar lena aur comment karke batana ki aap ise try karoge ya nahi!
#KadduMathri #AirFryerRecipes #MathriRecipe #HomemadeSnacks #ChaiTimeSnacks SonalKiRasoi