説明
'Isa 'Ape - Meleanre Taufa. Fa'u 'a Tu'imala Kaho.
'Isa 'ape kuo te ta'e'aonga
He feangi'aki 'a e matangi Tonga
Tuku ai a keu si'i kahoa
Pea tauleva ki he fa'itoka
Ko hai koaa na'a ne 'iloa
'E toe uesia 'a si'ete 'ofa
Ta'a 'ape ko hoto 'inasi
Feluteni 'a e 'ofa pea 'iku mamahi
'Amusia mu'a 'a e manu laukau
'Oku ne 'o'ofaki 'a e 'ofa moe manatu
Unga hoku loto telia e 'ofa ta'e to'o
Afuhia 'e he faka valeloto
Ongo pea uhu 'ae 'ofa maheni
Ko hai ha taha te ne matu'uaki
Tuha 'a e anga fakangalongata'a
Nofo'ia kita he loto hoha'a
Lea 'a e ngalu he po mahina
'Avea hoku loto pea tekina
'Ou maataa e peau fisi hina
Inu lo'imata he 'ofa fuahia
'Amusia mu'a 'a e manu laukau
'Oku ne 'o'ofaki 'a e 'ofa moe manatu
Unga hoku loto telia e 'ofa ta'e to'o
Afuhia 'e he fakavale loto